Bydd Menter Antur Cymru yn partneru gyda Llywodraeth Cymru a Menter Môn i ddarlledu gweminar ar thema cynlluniau Di-Wifr Trefi, Dydd Iau, 1af Hydref 2020, rhwng 2.30 a 3.30yp.
Bydd y digwyddiad o’r enw ‘Adennill o Covid-19: Trefi SMART’, yn cynnwys cymysgedd o arbenigwyr busnes TG a rhagair gan Lee Waters AS, y Dirprwy Weinidog dros yr Economi a Thrafnidiaeth, a sylwadau cloi gan Hannah Blythyn AS, y Dirprwy Weinidog Tai a Llywodraeth Leol.
Gwahoddwyd Menter Antur Cymru i ymuno i rannu’r arbenigedd â’r profiad y maent wedi’u hennill fel prif gyflenwr Di-Wifr Tref yng Nghymru. Mae’r busnes wedi cyflwyno cynlluniau ar gyfer mwy na 26 o drefi ledled y rhanbarth gan gynnwys Caerfyrddin a Chaernarfon. Bydd Aled Davies o Telemat, rhan o bortffolio Menter Antur Cymru yn siarad am ‘Edrych ar y rhwystrau i weithredu’.
Bydd Aled yn awyddus i amlinellu nad yw cynlluniau Di-Wifr Trefi yn ymwneud â gosod y system yn unig, ond sicrhau bod y system yn gweithio i’r economi ac hefyd adfywio trefi yn ystod COVID-19. Mae gan dîm Telemat brofiad o weithio gyda threfi i sicrhau buddion y systemau trwy ddangos iddynt sut i ddefnyddio’r data o’r system Di-Wifr.
Ymhlith y cynlluniau y mae Telemat wedi’u cyflwyno yw defnyddio data ar gyfer olrhain symudiadau ymwelwyr o amgylch trefi ac annog ymweliadau yn ôl trwy farchnata trwy’r cyfryngau cymdeithasol. Mae’r mentrau marchnata yn cynnwys tynnu sylw at ddigwyddiadau allweddol, diwrnodau siopa allweddol ynghyd â busnesau yn y trefi sy’n cynnig hyrwyddiadau penodol.
Bydd yr agenda hefyd yn cynnwys y Cynghorydd Clive Davies a weithiodd gyda Telemat i osod cynllun Di-Wifr yn tref Aberteifi, ynghyd â Menter Môn a fydd yn cyflwyno menter newydd i’r ‘Patrwm Platform.’
Mae’r digwyddiad hefyd yn cynnwys sesiwn Holi ac Ateb a gellir ei weld ar-lein trwy Zoom trwy gofrestru trwy Eventbrite.
www.anturcymru.org.uk
01239 710 238