Dal ddim yn siwr sut mae Brexit yn effeithio ar eich busnes?
Rydym yn cynnig cipolwg ar ‘Pecyn Cymorth Cyfathrebu Lleol” Llwyodraeth Cymru ar Brexit.
Rydym yn archwilio’r canllawiau y mae’n ei gynnig i weithredu busnes i fusnes a’r sector gwasanaethau.
Mae cryn dipyn o gyhoeddusrwydd wedi ymddangos yn y wasg fusnes am y cytundeb a gadarnhawyd ar 24 Rhagfyr 2020 rhwng y DU a’r UE yn amlinellu perthynas y DU â’r UE i’r dyfodol.
Hwn yw’r cytundeb masnach rydd cyntaf i’r UE gytuno arno erioed ar sail tariffau zero a chwotâu zero. Gyda’r cyfnod trosglwyddo wedi ei gwblhau, mae rheolau newydd ar gyfer busnes ag Ewrop wedi cyrraedd.
Rydym yn cynnig cipolwg ar sut y gall y pecyn cymorth hwn eich helpu i ddeall yr effaith ar eich busnes a’ch gallu i fasnachu gyda’r UE.
Mae’r Gwiriwr Brexit yn cynnwys:
Sut mae Brexit yn effeithio ar fusnesau sy’n mewnforio ac allforio nwyddau.
Er mwyn parhau i fasnachu gyda’r UE, bydd angen i chi ddilyn rheolau newydd ar gyfer mewnforio ac allforio gan gynnwys newidiadau i brosesau tollau a thrwyddedu. Mae’r pecyn cymorth yn esbonio sut i ddod o hyd i gymorth arbenigol yn ogystal â helpu busnesau i roi cytundeb ar waith – cyn gynted â phosibl – gyda chanolwr tollau megis hyrwyddwr cludo nwyddau neu frocer tollau. Os yw’ch busnes yn paratoi i symud nwyddau o dan Brotocol Gogledd Iwerddon gallwch wneud cais am y Gwasanaeth Cefnogi Masnachwyr am ddim.
Sut mae Brexit yn effeithio ar fusnesau sy’n darparu gwasanaethau rhwng y DU a’r UE.
Er mwyn sicrhau y gall eich staff â chymhwyster UE barhau i ddarparu gwasanaethau proffesiynol i gleientiaid yn y DU, bydd angen i chi sicrhau bod eu cymhwyster(au) proffesiynol yn cael eu cydnabod gan y corff rheoleiddio neu broffesiynol perthnasol yn y DU.
Darganfyddwch fwy trwy ymweld â GOV.UK/transition. Os ydych chi am weithio mewn proffesiwn sy’n cael ei reoleiddio yn yr UE/AEE neu’r Swistir efallai y bydd angen i’ch cymhwyster proffesiynol yn y DU gael ei gydnabod yn swyddogol.
Cefnogaeth un-am-un bellach i’ch busnes ddeall manylion pecyn cymorth Brexit.
I berchnogion a rheolwyr busnesau prysur, mae dehongli manylion y newidiadau a sut mae busnes yn cael ei effeithio yn parhau’n her. Gall busnesau Cymru gysylltu ag Ymgynghorwyr Masnach Ryngwladol Busnes Cymru. Byddant yn medru egluro manylion y newidiadau ac adolygu strategaethau masnach ryngwladol gyfredol gan gynnwys asesu newidiadau costau masnach Ewropeaidd a chyfleoedd posibl mewn marchnadoedd newydd.
Gallwch ddod o hyd i gefnogaeth bellach gan Fenter Antur Cymru trwy gysylltu ag Anthony Kirkbride, ein Ymgynghorydd Masnach Ryngwladol Busnes Cymru ar 07779 457347 neu ewch i www.anturcymru.org.uk
I gael mynediad at y Pecyn Cymorth Cyfathrebu Lleol Brexit, dilynwch y ddolen: Brexit – GOV.UK (www.gov.uk)