Mae manteision o gyfrifiadura cwmwl ar gael i unrhyw fusnes sy’n mabwysiadu band eang cyflym iawn. Mae ystadegau’n awgrymu fod 55% o fusnesau bach yn credu gall cwmwl wella cystadleurwydd, felly peidiwch â chael eich dychryn gan y syniad o dechnoleg newydd.
Gwnewch eich gwaith ymchwil a gofynnwch y cwestiynau dyfnach a fydd o gymorth i chi benderfynu ar y darparwr gwasanaeth cywir:
- A fydd y gwasanaeth cwmwl yn darparu’r hyn rydych eisiau, nid ar gyfer heddiw’n unig ond mewn blwyddyn neu ddwy yn ddiweddarach?
- Faint fydd y gost? Mae modelau prisio’r cwmwl yn amrywio’n aruthrol, a dylech allu graddio eich defnydd i fyny neu i lawr.
- Beth yw strategaeth ddiogelwch darparwr gwasanaeth cwmwl, ar gyfer storio data a mynediad y defnyddiwr?
- Sut a ble fydd eich data’n cael ei gadw a’i gefnogi?
- A ydynt yn dilyn arferion a safonau gorau’r diwydiant ar gyfer rheoli gwasanaeth TG?
- A yw eu systemau a’u prosesau’n cael eu gwirio ac wedi’u hardystio gan y cyrff priodol sy’n gallu rhoi rhyw fath o ymddiriedaeth a thawelwch meddwl i chi?
- Pa mor hawdd yw newid?
I gael gwybod rhagor ewch i https://gov.wales/broadband-in-wales/what-are-my-options